Beste bi domina Kluberako Espainiako Udako Kopan, asteburu honetan Nojan jokatutakoa. Biak ere sprint proban izan dira, kategoria absolutuan.
Asteburu honetan, gure kirolariak Nojaraino joan dira Udako Hondartzako II. Nazioarteko Kopa lehiatzera. Guztira 11 kirolarik hartu dute parte klubetik, eta oro har, emaitza onekin eta sentsazio onekin itzuli gara, hurrengo astean Guruguko hondartzan jokatuko diren Udako Espainiako Txapelketetarako.
Sprint proban lortu ziren emaitzarik onenak, bi domina eskuratuta: bata Ibai Rodríguezi esker, urrea irabazi baitzuen kategoria absolutuan, eta bestea Adrián Fernándezi esker, zilarrezko domina lortu baitzuen kategoria eta proba berean. Aipatzekoa da, halaber, Ibon Presnoren lan bikaina, 6. postuan amaitu baitzuen finala, eta Gontzal Gagorena, 8. izan baitzen final berean. Hori guztia kategoria absolutuan izan zen, baina beste alde batetik, emakumezkoen junior mailan, iurretarra den Lorea Sudupe 5. postuan sailkatu zen, eta gizonezkoen jubenil kategorian, Anes Mokaddem 7. izan zen.
Sprint probaz gain, beste proba batzuetan ere emaitza onak lortu ziren. Hauek izan dira Klubeko emaitzarik onenetako batzuk Nojako Kopa honetan:
SPRINT
- Ibai Rodríguez: ESPAINIAKO TXAPELDUNA (Absolutu Gizonezkoa)
- Adrián Fernández: ESPAINIAKO AZPITXAPELDUNA (Absolutu Gizonezkoa)
- Lorea Sudupe: 5. ESPAINIAN (Junior Emakumezkoa)
- Ibon Presno: 6. ESPAINIAN (Absolutu Gizonezkoa)
- Anes Mokaddem: 7. ESPAINIAN (Jubenil Gizonezkoa)
- Gontzal Gago: 8. ESPAINIAN (Absolutu Gizonezkoa)
TABLA
- Izaro López: 12. ESPAINIAN (Jubenil Emakumezkoa)
OCEAN
- Jon Beranoaguirre: 15. ESPAINIAN (Junior Gizonezkoa)
BANDERAK
- Ibai Rodríguez: 7. ESPAINIAN (Absolutu Gizonezkoa)
- Adrián Fernández: 8. ESPAINIAN (Absolutu Gizonezkoa)
- Gontzal Gago: 9. ESPAINIAN (Absolutu Gizonezkoa)
- Anes Mokaddem: 10. ESPAINIAN (Jubenil Gizonezkoa)
- Ibon Presno: 13. ESPAINIAN (Absolutu Gizonezkoa)
- Lorea Sudupe: 15. ESPAINIAN (Junior Emakumezkoa)
