Jakes Garatek brontzea lortu du banderetan; Ibai Rodríguezek, brontzea sprintean; eta absolutu mailako erreleboak Espainiako txapeldunorde izatea lortu du, hiru domina hauen protagonistak izan dira.

Uztailaren 4az geroztik, Gurugú hondartzan izan dira Espainiako Sorospen Txapelketak, eta bertan 32 kirolarik parte hartu dute gure klubaren izenean, kategoria guztietakoak barne. Klubaren historian izan den parte-hartze handienetako bat izan da.

Txapelketako lehen domina Jakes Garate gazteak lortu zuen, haur mailako banderen proban. Ondoren, kategoria absolutuan, Ibai Rodríguezek —aurreko Nojako Kopan urrea irabazi ondoren— brontzezko domina eskuratu zuen oraingoan, Espainiako hirugarren postuan amaituz. Azkenik, hirugarren domina sprint absolutuko erreleboak lortu zuen: Adrián, Ibai, Ibon eta Gontzalek osatutako taldeak Espainiako txapeldunorde titulua eskuratu zuen hirugarrenez jarraian.

Horrela, 2024/25 denboraldiari amaiera ematen dio klubak. Orain atseden hartzeko garaia da, indarrak berreskuratzeko eta berriz ere gogotsu bueltatzeko oso berezia izango den denboraldi batean, klubak bere 40. urteurrena ospatuko baitu.